على مسؤوليتي: الوحده هو الرابح الاكبرمن الصفقات المحلية الخيالية

العنوان غريب بس الوضع اللي قاعدين نشوفه في الانتقالات المحلية ونحن مقبلين على شكل جديد للدوري المحلي وهو دوري المحترفين واللي سمعنا قبل لا يبدى الدوري بانتقالات غريبه وباسعار خياليه. بعض جماهير الوحده متشائمة من الهدوء اللي يسود على جو ادارة النادي ومافي اي تحركات وبعضها متفائلة بروح الفريق، بوجود نخبة من المميزين الدوليين والناشئين وبعض الاسماء اللي تم تصعيدها للفريق الاول والمتوقع ان يكون لهذه الاسماء شأن كبير في دوري المحترفين. نادي الوحده اللي يعتبر الفريق الوحيد اللي ما تحرك نفس تحركات الاندية الاخرى بصفقة الملايين، ولكن بعض الصفقات العادية جدا ومنها اعارة لفتره محدودة، بس انا اقصد بأن الوحده هو [overline]الرابح الاكبر[/overline] لان الفريق قاعد يمر بمرحلة استقرار سواء فنيا او اداريا، وهذا راح يساعد الفريق على متابعة الاداء الايجابي اللي انتهى عليه الموسم السابق، نفرض لو الوحده تعاقد مع اي لاعب مؤثر بمبلغ كبير بس هاالاعب بيحتاج فتره طويله بانه ينسجم مع الفريق وخاصة ان اعلان دوري المحترفين وما تبعه من صفقات خياليه جاء متاخرا يكون اللاعب متعود على نمط معين من اللعب والاحتكاك بزملائه في الفريق السابق لفتره طويلة جدا، واللعيبه عدنا هواه ويحتاجون لفتره طويله للتعود على الاحتراف. خير دليل منتخب الامارات اللي احتاج فتره طويلة لا تقل عن 3 سنوات حتى انسجم كل اللاعبين ولكن ليس انسجاما اللي نتوقعه ، الانسجام و التفاهم من بين لعيبة المنتخب ما يتعدى 65%. الجماهير كلها تتوقع دوري المحترفين في موسمه الاول ساخن بسبب الصفقات الخيالية الاخيرة بس انا اقولكم ارجعو لاول موسمين للدوري القطري للمحترفين وبتعرفون مب بالشي الساهل. دوري المحترفين الاماراتي يحتاج من يثبت نفسه وخاصه انه اول دوري للمحترفين والكل يطمع فيه وخاصة انه يؤهلك للمشاركة في بطولة العالم للاندية. واعيد واكرر توقعاتي بأن الوحده هو الرابح الاكبر من هدوءه في الصيف. واتمنى الكل يدخل ويشارك برأي يدعم الموضوع ودمتكم بحفظ الله ورعايته. اخوكم: فارس الظلام